Hæhæ elskurnar 

Mig langaði til að þakka fyrir frábært bekkjarmót og þeir sem ekki mættu misstu sko af miklu. Við mættum á skemmtistaðinn B57 og grilluðum öll saman og spjölluðum. Það var alveg frábært þó svo að hluta úr bekkjunum vantaði, þó að ég verði að segja að stelpurnar úr bekknum voru ekki alveg að standa sig í mætingu þar sem aðeins 5 stelpur úr bekknum mættu.  En við létum það ekkert á okkur fá þar sem strákarnir fjölmenntu og sýndu það alveg að þeir kunna sko að skemmta sér. Síðan horðum við á hina stórbrotnu jóalskemmtun 7 bekkjar sem er án efa besta jólaskemmtunin sem haldin hefur verið og það var mikið hlegið sérstaklega þegar Spice boys og dragshowið kom á skjáinn, þar sem hinir mögnuðu dansarar úr þeim atriðum voru allir mættir á bekkjarmótið. Þeim var svo klappað lof í lófa að því loknu. Síðan horfðum við á Svíþjóðarferðina okkar vorið 2001 og þar var ýmislegt sem gaman var að sjá sem var hreinlega löngu gleymt. Um 22:30 mætti Skítamórall á svæðið og þá færðum við partyið bara heim til Andra sem var svo frábær að hleypa okkur öllum heim til sín í smá party fyrir ballið seinna um kvöldið. Þar var drukkið og spjallað og haft gaman alveg fram til klukkan 1 um nótt þegar við (mörg okkar) skelltum okkur á Skítamóralsballið þar sem dansað var fram á rauða nótt við bæði gömul og ný Skítamóralslög og allskonar djammlög sem allir þekkja og það var mikið sungið.

 

Í Heildina séð heppnaðist bekkjarmótið mjög vel, við hefðum viljað sjá fleiri en svona er þetta það geta ekki allir mætt alltaf.

Takk fyrir góða skemmtun og frábært kvöld..

 

Kv. Bessý, sem er hér með hætt öllu skipulagsstarfi fyrir þennan bekk, næst má einhver annar sjá um að skipuleggja 

Lokið augunum og farið aftur í tímann. Ímyndið ykkur að þið séuð 15 eða 16 ára.. í grunnskóla ennþá.. það er diskótek um kvöldið og ekki nóg með það heldur ætlar aðal sveitaballa hljómsveitin að spila seinna um kvöldið, Skítamórall!!! Það er gríðarleg spenna, allir eru mættir úr bekknum enda var ekki talað um annað allan daginn í íslenskutíma hjá Lilju kennara og í Stærðfræðitíma hjá Hilmari.. já það er gaman að hugsa svona aftur í tímann en þetta er ekkert svo fjarlægur veruleiki því þetta er einmitt það sem við erum að fara að gera á laugardaginn, nema núna erum við eldri og getum meira að segja fengið okkur sjúss á ballinu..

 

Bekkjarmótið verður núna á laugardaginn 30. maí 2009 á skemmtistaðnum B57 í Borgarnesi.

Við ætlum að mæta milli 18:00 og 19:00 á staðinn og grilla saman, hver og einn kemur bara með sitt það þarf ekki að vera mikið, pulsur eða hamborgarar.. það verður grill á staðnum.

Það verða sýndar gamlar ljósmyndir frá grunnskólaárunum á risaskjá og svo verða sýnd myndbönd frá skemmtunum og öðru slíku, svo verður tónlist svo hægt verður að dansa og hafa gaman, diskó diskó friskó.... Það verður tilboð á barnum fyrir okkur þangað til staðurinn opnar fyrir almenning um 23:00

Svo seinna um kvöldið þegar staðurinn opnar fyrir almenning þá verður ball með Skítamóral fram eftir nóttu..

 

Það kostar 500 kr. Borgað við komu.

Ballmiði kostar 2000 kr. Og auðvitað viljum við sjá sem flesta á ballinu.

 

Makar eru velkomnir að koma með og djamma með ykkur, það verður nú gaman fyrir þau að sjá myndir af ykkur frá því í grunnskóla

 

Þetta verður atburður sem við munum seint gleyma... þess vegna er skyldumæting!!

Leynigestir verða Gurrí gangavörður og Ragnheiður myndmenntakennari... nei þær verða bara með okkur í anda

 

Bekkjarmót laugardaginn 30. maí 2009!!!!!

 

Bekkjarmótið verður haldið í Borgarnesi laugardaginn 30. maí næstkomandi og verður það haldið á skemmtistaðnum B57 við Borgarbraut 57.

Það ætlum við að hittast og grilla um kvöldið og þar sem við verðum bara við 85 árgangurinn frameftir kvöldi þá fáum við eitthvað gott tilboð á barnum og svo ætlum við að reyna að kíkja á gömul myndbönd frá grunnskólaárunum og spjalla og dansa kannski. Svo seinna um kvöldið þegar staðurinn opnar fyrir almenning þá verður ball þar sem verða DJ-ar og hörku stuð og þá auðvitað getum við dansað af okkur fæturna langt fram á nótt og hitt aðra Borgnesinga sem voru með okkur í grunnskóla.

 

Makar eru að sjálfsögðu velkomnir að koma með og grilla og skemmta sér með okkur

 

Þegar nær dregur þá kemur nákvæm tímasetning hvenær við ætlum að mæta og hvort við nefndin ætlum að skaffa grillmatinn eða hvort fólk komi með eitthvað sjálft. Það á eftir að skýrast betur

 

Það væri gott að fá smá tölu um hverjir ætla að koma og auðvitað kemur ekkert annað til greina en að við mætum öll og skemmtum okkur saman. Það er ekki á hverjum degi sem við hittumst.

 

Æltar þú að mæta?????

 

Kv. Nefndin

ATH breyting á dagsetningu.........

Bekkjarmótið verður laugardaginn 30. Maí 2009 i Borgarnesi,

Hæhæ, við skipulagsnefndin hittumst núna í kvöld og ræddum saman um þetta bekkjarmót sem við ætlum að halda. Það er komin dagsetning, svona lauslega, sem við viljum leggja fyrir ykkur. Planið er að halda þetta bekkjarmót laugardaginn 4 apríl í Borgarnesi.

 Það verður þannig séð engin dagskrá, við viljum bara hafa þetta einfalt og þægilegt. Við ætlum ekkert að leggja allan daginn undir í þetta. Við myndum þá hittast og fá okkur að borða saman um kvöldið og djamma svo saman. En áður en við förum að plana meira viljum við fá að vita hvað ykkur finst um þessa dagsetningu. Þetta er fyrsta helgin í apríl þannig að þeir sem eru að vinna ættu að vera búnir að fá útborgað og fólk á kanski pening til að sletta úr klaufunum. Þetta er með góðum fyriravara þannig að fólk ætti vonandi að geta tekið þennan dag frá eða fengið kanski skipt á vöktum (þ.e. þeir sem eru að vinna) eða fengið pössun fyrir börnin.

Þið hafið til 6. mars til hugsa um þetta og segja okkur hvort þið getið mætt eða ekki. Við viljum vera komin með einhverja tölu yfir það hverjir ætla að koma.

Ef það er léleg stemming fyrir þessum degi þá er hægt að breyta því en þá verður fólk að láta í sér heyra sem fyrst.

Við viljum benda á að makar ykkar eru að sjálfsögðu velkomir að koma og skemmta sér með okkur og því fleiri því betra.

Látið nú heyra í ykkur og gerum þetta skemmtilegt. Við skorum á alla að koma.

Þið getið skrifað á facebook eða á heimasíðuna, eða send e-mail á thb16@hi.is  (Bessý)

 

Kv. Nefndin

 

Hæhæ allir
Eins og kanski flestir vita þá er stefnan tekin á það að halda hörku hitting einhverntímann á næstu mánuðum í tilefni af 10 ára fermingarafmælinu og kominn tími til að hittast ÖLL aftur og líka þeir sem fermdust ekki með okkur.

Það er komin facebook group fyrir alla þá sem höfðu einhverntímann verið í 85' árgangshópnum í Grunnskólanum í Borgarnesi og það er alveg komin slatti þar inn af fyrrum bekkjarfélögum og einnig fólk sem var bara með okkur í stuttan tíma sem er bara gaman Hugmyndin með þessari facebook grúbbu var nú bara svona til að geta auðveldað okkur að láta vita af upplýsingum um hitting og svo er þetta líka bara skemmtilegt. Þeir sem eru ekki með facebook þurfa samt ekki að hafa áhyggjur af því að missa af neinu þetta er nú bara til gamans gert

Það er komin skipulagsnefnd bara klukkutima eftir að ég póstaði hérna á blogginu eftir fólki til að hjálpa

Mig langaði bara til að minna á að næsta vor (2009) þá eigum við 10 ára fermingarafmæli og ég er á þeirri skoðun að við ættum að hittast öll og þá meina ég öll næsta vor.. Ég veit að árgangur 84 hittist seinasta vor og leigðu salinn á Motel Venus og þeir sem bjuggu ekki í borgarnesi eða höfðu ekki gistingu fengu leigð herbergi þar líka mjög ódýrt.. og svo fór þau öll á Vinakaffi með rútu (aðal pöbbinn í bgn um þessar mundir)
Hvernig væri ef við myndum gera einhvað svoleiðis. það þarf ekki að vera neitt mikið, bara hittast öll og hafa gaman og halda uppá þetta 10 ára afmæli??????

ég ákvað að setja þetta hérna inn með marga mánaða fyrirvara þar sem fólk er nú ekkert mikið að koma hérna inn á þessa síðu og margir eru í útlöndum að læra og vilja kanski koma með tillögu um hvenar hentar þeim best í vor,

ég vil að þið meltið þetta svolítið og láta svo í ykkur heyra á næstu mánuðum hérna inni.. eða jafnvel á facebook ég veit að margir eru með svoleiðis..

kv. Bessý

Stofnaði myndaalbúm á þessari síðu:

http://public.fotki.com/sverrirmar/

En mér skilst að það þurfi að borga fyrir afnot ... eða ég veit ekki, ég skildi það ekki almennilega.
Ég gat reyndar ekki fullklárað eitt albúmið þegar ég fékk þau skilaboð.
En ég vona að þið getið skoðað þessar myndir, sem komnar eru, ef þið viljið.
Það getur vel verið að ég setji aðrar myndir á Facebook, og kannski þessar líka.

Þið fáið lykilorð hjá mér. Og þið getið heldur ekki vistað myndirnar.

Kveðja, Sverrir Már.

Gleðilegt sumar öll samt er varla sumarlegt :/ en allavega vildi koma einni spurningu hingað...
Hver er game í hitting í sumar ?

Langaði bara til þess að óska öllum gleðilegs sumars. Vona að þið eigið gott sumar framundan.

Sauðburður hófst heima einmitt á sumardeginum fyrsta, þegar lambakóngur kom í heiminn hjá gamalli kind frá föður mínum.

(Minni aftur á færslur fyrir neðan.)

Hafið það gott. Sverrir Már.

Ætla að koma dálitlu á framfæri en ekki gleyma færslunni fyrir neðan!

Vortónleikar Háskólakórsins undir stjórn Gunnsteins Ólafssonar verða í Neskirkju sunnudaginn 27. apríl kl. 17.00.

Flutt verða verkin:
Agnus Dei eftir Krzysztof Penderecki,
Shakespeare-söngvar eftir Ralph Vaughan-Williams og
Lorca-svíta eftir Einujuhani Rautavaara
auk annarra smærri verka.

Miðaverð í forsölu: 500 kr. fyrir börn og námsfólk, 1000 kr. fyrir aðra
Miðaverð við inngang: 1000 kr. fyrir börn og námsfólk, 1500 kr. fyrir aðra.
Miðapantanir í síma 866-4360 og 845-8084.

Ég hef reyndar undanfarið verið að berjast við hósta eftir flensu og hósta jafnvel pínulítið ennþá en ég vona að ég jafni mig svo ég geti verið með.

Síðan munum við fljúga til Berlínar þann 18. maí og vera þar í einhverja daga og förum síðan þaðan til Póllands. Við munum halda nokkra tónleika á þessum stöðum.

Hafið það gott - og námsfólk, gangi ykkur vel í komandi prófum og öðru. Sverrir Már.

Hæhæ hérna eru nokkrar skemmtilegar spurningar sem gaman væri að fá svör við
Þið svertið bara spurningarnar og coperið þangað sem þið skrifið comment..
kv. Bessý

> >

1)      Minnistæðasta og fyndnasta atvikið í grunnskóla?

2)      Hvernig týpa varstu í grunnskóla? Og hefur það breyst?

3)      Hver var myndalegasti kennarinn?

4)      Hvaða kennari hefði verið líklegastur til að stunda fjárhættuspil?

5)      Hvaða bekkjafelagi er líklegastur til að eiga sér tvífara í klámmyndaiðnaðinum?

6)      Hver skyldi vinna í slag Ingvi eða Bjarki? (útkastararnir fyrir B bekkinn í 9.bekk)

7)      Hvaða kennari er líklegastur til að vera strjúka af geðsjúkrahúsi?

8 )      Hvaða íþróttakennari/sundkennari var líklegastur til að sofa með sundhettu og í takkaskóm?

9)      Besti gangavörður allra tíma?

10)  Það á fá nýtt nafn á Grunnskólann í Borgarnes, hvað væri besta nafnið fyrir hann?

Jæja þá fer senn að líða að stærstu Bílasýningu landsins. Sýninginn er áætluð 9-11 Maí í íþróttahúsinu í kórnum í kópavogi og langar að hvetja sem flesta til að mæta og bera öll flottustu tækin augum. Ekki skemmir að bekkjafélagi ykkar ég (Birgir Þór) verður með 600+hp græjuna sína þar til sýnis. Þessi sýning er árleg hefð hjá kvartmíluklúbbnum til þess að safna peningum í sjóðinn svo hægt sé að gera brautina betri, einsog td malbika ofl. Takið þessa helgi frá og styrkið gott málefni, þið verðið ekki svikinn!!!!

Besta kveðja frá miðpúnkti alheims
Birgir Þór

Öll þessi fyrirhöfn. 33 lög - 27 lög frá 9 völdum höfundum (3 lög frá hverjum) og 6 innsend lög - og þetta er niðurstaðan - Eurobandið, með svonefnt "týpískt Eurovisionlag", teknó-diskó, dansi og öllu. Þeim mun meiri ástæða til þess að velja það ... ekki. Atriðið hafði þó skánað eitthvað en ég er samt á því að þetta sé ekki rétta lagið (án þess að ég ætli að segja eitthvað um hvað sé rétt og rangt í Eurovision). En ég hélt með lögunum með Páli Rósinkranz, Baggalúti, Ragnheiði Gröndal og Dr. Spock - og kannski Barða. Ég held þó að Ragnheiður (ásamt strákunum í Buff náttúrulega) hafi samt borið af, lagið hennar (sem og hinna jafnvel) hefði orðið fín upplyfting fyrir þessa keppni, sem að mínu mati er bara komin út í tóma vitleysu.

En ... jahh ... ekkert við þessu að gera svo sem. Ákveðið er ákveðið.

En samt...

Sverrir Már.

Nei. Ég get ekki sagt að ég hafi lifað fullkomnu lífi, meðan á samnefndu lagi stóð í þættinum "Laugardagslögin" síðast.

Ég taldi það pottþétt að Dr. Gunni kæmist áfram með lagið sitt, "Hvar ertu nú?", en síðan var það þriðja lagið, sem að mínu mati var með allra bestu lögunum í vetur og átti fyllilega skilið að komast áfram. "Leigubílar" eftir Magnús Eiríksson. Ég varð svo grautfúll þegar úrslitin urðu ljós.

Kannski er ég að segja þetta af því ég er sjálfur aðdáandi Pálma Gunnarssonar og Mannakorna og ekki síst laganna hans Magga Eiríks. Ég gæti alveg trúað að hvert íslenskt mannsbarn eigi sér allavega eitt uppáhaldslag eftir Magga, enda er það þannig að flest það sem kemur frá honum eru bara ekki einfaldlega lög. Þetta eru bara smellir eða "hittarar", sem maður fær á heilann og syngur með sjálfum sér. Og voru öll framlögin hans í vetur bara góð og áttu skilið að halda áfram.

En allavega, þetta lag sem um ræðir, "Fullkomið líf", ég get ekki skilið hvað þjóðin sá eiginlega við þessu lagi og atriði. Þetta er svo sem grípandi lag og hægt að fá á heilann, en samt var þetta eitthvað svo glatað atriði, sérstaklega þegar söngkonan var komin með vængi og syngjandi eins konar "falsettu", líkt og að það væri verið að kvelja konuna. Drottinn minn dýri.

Ég hef þó nú þegar því miður þurft að sjá á eftir mörgum góðum lögum í vetur (kannski á meðan einhver leiðinleg lög komust áfram) og því hefur þessi keppni í rauninni verið sóun á góðum lögum. En svona er víst bara gangur lífsins í keppnum eins og þessum, einhverjir fá sín óskalög áfram en aðrir ekki, og síðan eru náttúrulega einhver ekki-óskalög. Núna undanfarin laugardagskvöld hef ég verið 50% ánægður (þ.e. haft tvö óskalög eða þannig og annað hefur farið áfram). Af hverju mátti ekki bara einfaldlega hafa 12 laga úrslitakeppni? Það tekur því varla að taka út 4 lög og hafa 8 eftir. Og síðan mætti jafnvel hafa dómnefnd(ir) með í leiknum, til þess að hafa meira sanngirni í þessu.

Þetta er bara ekki sanngjarnt. Sverrir Már.